قصيدة رثاء الرئيس الشهيد صدام حسين

Golden Pen عدد الرسائل : 9 تاريخ التسجيل : 27/02/2008

الشاعر عباس الجيجان من البصرة وهوشيعي ولكنه وطني فبعد أن كتب هذا الشعر تبرأت منه قبيلته .. لكن للأسف لا أملك سوى كلمات هذا الشاعر وانا أترككم معها:

ويه الفجر
يوم العيد
وي نحر النحور
صدام قدم للوطن روحه
إجه مثل الأسد مجروح
يمشي وتضحك جروحه
هم شايف جبل ينقاد
وإذا شفت الجبل مقيود
تلقى العله بسفوحه
مثل النخل مات وقوف
شاخص شامخه صروحه
لك لو هيك الرجال تموت
لو غم الرجال بموت ماصخ مابه ملوحه
بكيت وما بكيت عليك
بكيت على الزمان الضمك بلوحه
بكى حتى الفرات عليك
ونهر دجله انتحر موحه
إذا ً تستاهل ينوح عليك
شاعر ما بطل نوحه
لأن إنت الوحيد الذي خليت
المشانق للرجال تصير مرجوحه
رغد يا رغد لا تبكين
بس دمعة حزن للزين مسموحه
أبوك ألكتب اسمه بجبهة التاريخ
كعبه الوطن عنده وعاليه سطوحه
الزمن يشهد لأبو الليثين
ولو آنه شهادتي بصدام مجروحه
ما دنك براسه وانحنى للجلاد
رغم سلسلوا رجله وشدوا جفوفه
رفض يلبس نقاب الموت
وضحك على الموت سنه وعينه تشوفه
عجل والله يتباهى يسجل التاريخ
عنه وتكتب حروفه
مو حبل على الرقبه طلع ملفوف
رقبه على الحبل طلعت الملفوفه
إذا ًحقها العرب تحزن عليه وتنوح
وقع خيَّالها والشمس مكسوفه
من صغره عجيد عنيد وضد الاستعمار
ابوك الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى نينوى محنية الظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد أصبحت مكتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه

الشاعر الشعبي عباس جيجان
من اراد سماع القصيدة بصوت الشاعر ها هو الرابط للتحميل
http://file5.9q9q.net/Download/57338798/1.mp3.html